#كيفاش_ندوز_الشفوي_ديال_البوليس
غادي نشرح ليكم بطريقة ساهلة وبسيطة شنو الحوايج الي تيعتمدو عليها في الشفوي ديال البوليس كيفما كانت #الرتبة الي دفعتي ليها
#فين_غادي_ندوز؟
دبا كانو في الاعوام السابقة تيدوزو في عدة مدارس بحال المعهد ديال قنيطرة ومدرسة الفوارات ومدرسة ديال بوقنادل ديا من بداية هاد السنة مابقوش غادي يدوزو ايلا في مدرسة بوقنادل حصريا....وهي واحد المدرسة صغيرة ومحكومة داكشي علاش اعداد غادي تقلص من 200 واحد كل نهار الى 100 واحد كل نهار غادي يدوز الشفوي
#شحال_من_نهار
من العام الي فات تبدل السيستم ويلتو تدوزو المرحلة الاولى ديال الشفوي في يومين نهار ديال الطبي والرياضة ونهار ديال البسيكو يعني الي ساكن بعيد يجيب معاه الفلوس ويدير بحساب غادي يبات في الفنادق بنسبة لبوقنادل مافيهش فين تبات كايتة اما الرباط الي بعيدة بشي 20 دقيقة في الطاكسي وموجود ولا سلا القريبة
#شنو_غادي_نلبس
طبعا موضوع اللبس شي حاجة مهمة بزاف حاول تبان بوليسي يعني الحسانة تكون مقادة نتا ماشي جاي طيح ساطة راك جاي تدوز عند البوليس واللبس يكون مقاد وداكشي ديال الخواتم والحوايج المقطعين وسنادل ديال الميكة غير خليهم في داركم...جي لابس كلاس وجيب معاك التوني ديال الرياضة في محفظة وحدة اخرى
#باش_غادي_نبداو؟
اغلب الظن غادي تبداو بالشفوي والشفوي ماشي شي حاجة صعيبة غادي ايلا كنت #رتبة_حراس_GRDX غادي يعاودو يسولوك نفس الاسئلة ديال امتحان الكتابي اما #المفتشين_IP تيسولوك في بعض الاسئلة ديال قانون الاسرة والتنظيم الاداري #الضباط_OPJ_OPX تيسولوك اسئلة متعلقة بقانون الحريات العامة وبعض الاسيلة في مسطرة الجنائية و #العمداء_CP تيسولهم في مسطرة الجنائية واسئلة اخرى معمقة وكلها باللغة العربية الا نادرا تتكون باللغة الفرنسية خصوصا عن فئة #العمداء
#كيفاش_نواجه_اللجنة
دير بحسابك ان اي لجنة غادي تكون قدامها سوا ديال الشفوي ولا ديال البسيكو غادي تكون حاضياك مزيان وتتراقبك كثر يعني اي حركة محسوبة عليك حاول ماتبين التوثر ديالك...بخصوص لجنة الشفوي مادخل حتى يقولو ليك دخل وتجلس حتى يقولو ليك جلس وحاول تبقا تشوف في داك الي تيسول فيك ماشي تبقا تلفت بحالا جاريين عليك وحاول متقولش معرفتش....حيت ماكينش شي بوليسي ماتيعرفش وخا تكونومعرفش الجواب غير قول وصافي مهخ متبقاش ساكت #هادي_نقطة_مهمة
#كيفاش_غادي_ندوز_الطبي
الطبي ديال البوليس بحال اي طبيب تتمشي عليه يدوز ليك غير الفرق انه هنا تيقلب واش نتا صالح ولا لا....مني تدخل تيعطيوك واحد الورقة زرقة هاديك ورقة #مهمة حيت غادي تبقى في الدوسي ديالك مهم متحولش تكذب فيها اي حاجة تضرك قولها حيت مني غادي توصل للطبيب بالخبرة ديالو غادي يعرفها يعني شي هرسة ولا شي حرقة ولاشي ضربة مهم كلشي تيبان ومتحولش تخبي اي حاجة حيت يقدر يتعامل معاك ايلا كنت صريح اما ايلا كذبتي وحصلتي #قو*تيها
#كيفاش_ندوز_الجرى
الجرى هنا ماشي باش يعرفو شكون هو الكروج الي غادي نشاركو فيه في الالومبياد ولكن غير باش يعرفو واش تقدر تصبر يعني حاول تمشي بايقاع ميضرك وميسخفكش حاول ماشي تبقا تسابق بحالا كلس مع ولاد الدرب مهم راه تيعطيوك شحال ضربتي كل دورة ونتا عينك ميزانك مرة طلع الرثم ومرة هبطو اهم حاجة متوقفش
#كيفاش_ندوز_البسيكو
اول حاجة الي تيدوزو ليك البسيكو راه اطباء نفسانيين عندهم رتب ديال البوليس يعني عادي تهضر معاهم...هما تخصص ديالهم لغة الجسد ديالك حاول تركز وتكلس مزيان متحطش يديك على الطابلة ومتقربش كرسي ليها حتى تلصق فيها كلس ويدك على فخادك ومتهضرش بيدك بزااف حاول تنقص منها وهضر بشويا وفكر عاد جاوب ومتضحكش بزاف واخا يقولو ليك شي نكتة ومتخلعش اذا قالو ليك شي حاجة تعتبر من الاسرار ديالك وايلا جبدو ليك موضوع جنسي متزنكش وتحشم راه عادي راه بحالة دراري ديال الدرب جالسين تيهضرو معاك....رد بالك هادي اهم مرحلة وصعيب تعرف راسك واش دزتي ولا لا مهم رد بالك
#الله_يسهل_على_الجميع
برطاجي وطاكي صحابك متعرف تقدر تعاون شي حد محتاج ليها.
تعليقات
إرسال تعليق